قيس وليلى على طريقة عصر الضياع

[size=21]قيس وليلى على طريقة عصر الضياع

ليلى:- قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- ما تتكلم عربى يا مان
قيس:- حلاوتك بالعجوه...أبوكى فين يابنت الحراميه؟؟
ليلى:- ف الهايبر
قيس:- يعنى أحنا هنا لوحدنا؟
ليلى:- والشيطان صايع
قيس:- (بص عليها بطرف عينه) يابت مبفكرش في اللي فبالك ...
ليلى:- (قمطت الجلابية الستان على وسطها) ليه ياروح أمك....ما اشبهش البنات اللى انت ماشى معاهم
قيس:- مش العباره بس.....
ليلى:- (تقاطعه) وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين
قيس:- كول يا لولا ( ويخرج من جيبه سيجارة كبيرة الحجم ويعطيها لليلي) مسائه نابت...إعمليلك سحابه دخان
ليلى:- () أنت بتحشش يا قيس؟!!
قيس:- إضربى يا شيخه إضربى
ليلى:- ( تأخذ نفساً غويط من السيجاره) إيه البقسماط ده ياله...دا مضروب يا حبة عينى
قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل
ليلى:- (فى تحدى) طب إستنى ( وتتجه نحو الداخل)
قيس:- () رايحه فين يابت؟
ليلى:- هجيبلك حته يا دغف (وتدخل)

الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى صابون سايل أيتها السماء....(لقيس) إنت بتعمل إيه هنا ياله؟ !!!!!!!!!!!
قيس:- أنا كنت جايلك يا عمى عشان تيجى تصلح لنا السيفون....دانتا شغلك زباله..الواحد بعد كده يبقى يجيب سباك نضيف
الأب:- (فى إنفعال) فين البت ليلى...ليلى...ليلى
ليلى:- (تدخل وفى يدها تربة حشيش) أبى ....ايه اللي جابك بدري يابا...إنت مش قولت هتقد ساعتين؟

الأب؟- النت فصل...إيه اللى ف إيدك ده؟!!
ليلى:- دى تربة حشيش هديها لقيس تموين الشهر
الأب:- (فى ذهول) ياللعار!!...جبتيها منين يابنت ؟
ليلى:- ماتخافشي يابا دا م التموين بتاعى....الحشيش بتاعك لسه بلفتٌه
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى
قيس:- (يأخد الحشيش) قشطة يا لولا ...

الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج من الضمان
قيس:- وانت ترضهالى برضه يا أونكل؟
الأب:- ياواطي...هات ياد تربة الحشيش اللى خدتها
قيس:- إمسك ياعم إنت هتذل إمى بحتة الحشيش بتاعتك..لعلمك بقه الصنف اللى أنت فرحان بيه دا بيتباع فى الجمعيه مع اللحمه البرازيلى
الأب:- (لقيس) إمشى ياد إطلع بره
قيس:- تصبح على نقاله ياعمى

[/size]